“Беҙҙең яугирҙар сыҙамлыҡ, батырлыҡ һәм хәрби бурысҡа тоғролоҡ күрһәтә”

Башҡортостан башлығы Радий Хәбиров шулай тип белдерҙе. “Республика фронтҡа һәм илдең яңы төбәктәренә ярҙам итә”, -тине ул.

Республиканың халыҡ артисы Радик Динәхмәтов “Башҡортостан” мотоуҡсылар полкы яугиры. Ҡушаматы Әсән. Ул хәрби берләшмәнең Әхмәт Дәүләтов исемендәге медицина ротаһында хеҙмәт итә. Яңыраҡ ҡыҫҡа ваҡытлы ялға ҡайтты. “Оборона министрлығы менән килешеү төҙөгән һәм ил һағына баҫҡан кешеләрҙең барыһы ла геройҙар”, - ти ул.

Радик Динәхмәтов БСТ телеканалының “Үҙебеҙҙекеләрҙе ташламайбыҙ” тигән тапшырыуында ҡатнашты. Ул Башҡортостан яугирҙарының батырлығы, хәрби туғанлыҡ, республиканың фронтҡа ярҙамы тураһында һөйләне.  Сығарылыш иртәгә, 17 октябрҙә киске сәғәт 10-да эфирға сыға.