Теүәл 10 йыл элек Татар Ҡоро Иҙәге ауылында ҡыҙыл кирбестән манаралы йорт ҡалҡып сыға, унда коллектив доғалар яңғырай, йома вәғәздәре һәм мосолман байрамдары үткәрелә башлай. Революцияға тиклемге осорҙа төбәктә мәсет урынлашҡан була. Әммә билдәле сәбәп менән уның бинаһы башҡа маҡсат өсөн үҙгәртеп ҡорола, аҙаҡ бөтөнләй һүтеп алына. 2015 йылда шул уҡ урында эшҡыуар Роберт Йосопов тырышлығы менән ҙур булмаған манаралы мәсет төҙөлә. «Шәүәли» атамаһы меценаттың олатаһы, ауылдың абруйлы кешеһе хөрмәтенә бирелә. Байрам сараһында Башҡортостан Хөкүмәте Премьер-министры урынбаҫары Ирек Сәғитов ҡатнашты. Ул Роберт Әнүәр улын Рәсәй Мосолмандары үҙәк диниә назаратының «Иман һәм намыҫ» ордены менән бүләкләне.