«Берҙәм Рәсәй» партияһы рәйесе Дмитрий Медведевтың төбәк йәмәғәт ҡабул итеү бүлмәһендә Федерация советының Фән, мәғариф һәм мәҙәниәт комитеты рәйесе Лилиә Ғүмәрова халыҡты ҡабул итте.
Сара барышында Өфөлә республика балалары өсөн бушлай туристик экскурсиялар ойоштороу,традицион рухи ҡиммәттәргә таянып йәш быуынды тәрбиәләү, спорт менән шөғөлләнеү өсөн шарттар тыуҙырыу, мәғариф учреждениеларын һаҡлау проекттары кеүек мәсьәләләр ентекле өйрәнелде. Ошо мөрәжәғәттәр нигеҙендә яуаплы инстанцияларға хаттар ебәреләсәк. «Халыҡ өсөн көнүҙәк мәсьәләләр оператив һәм ыңғай хәл ителәсәк», тип билдәләне Федерация Советының Фән, мәғариф һәм мәҙәниәт комитеты рәйесе Лилиә Ғүмәрова