Өфөнөң «Нур» татар дәүләт театрында Мөнир Ҡунафин пьесаһы буйынса «Һине көтәләр» спектакле премьера алдынан тамашасы хөкөмөнә сығарылды. Сәхнә әҫәре реаль ваҡиғаларға нигеҙләнгән һәм махсус хәрби операция темаһына, Ватан һаҡсыларына арнала. «Һине көтәләр»-ысын мәғәнәһендә хисле тарих. Спектаклдең тәүге минуттарынан уҡ тамашасы үҙенсәлекле атмосфераға сума. Сәхнәнән һөйләнелгән тарих, көҙгө кеүек, кешеләрҙең көндәлек кисерештәрен, өмөттәрен сағылдыра. Яҡындарыбыҙ менән үткәргән һәр мәлде ҡәҙерләүҙең һәм иң йылы һүҙҙәрҙе еткереүҙең мөһимлеге тураһында иҫкәртә. Актерҙар уйыны тәбиғилеге һәм эмоциональ тәрәнлеге менән арбай. Премьера театр һөйөүселәргә ысын бүләк буласаҡ.