Ижади сәфәр Рәсәйҙең мәҙәниәт министрлығы һәм Росконцерт тарафынан тормошҡа ашырылған»Ҙур гастролдәр«федераль проекты сиктәрендә үтә. Ошо уҡ көндәрҙә Ҡазан ҡалаһында Мәжит Ғафури исемендәге Башҡорт дәүләт академия драма театры сығыш яһай. Ике республиканың да алдынғы ижади коллективы тамашасыларға репертуарының иң уңышлы спектаклдәрен тәҡдим итә.
Ғәлиәскәр Камал театрының Өфөләге ижади аҙналығы уңайынан төрлө жанрҙағы спектаклдәр тәҡдим ителә. Улар араһында классик һәм хәҙерге драма әҫәрҙәре лә бар. Спектаклдәр бер юлы театрҙың ике сәхнәһендә ҡуйыла. Ҡазан театры һуңғы тапҡыр Өфөлә өс йыл элек сығыш яһаған. Шуға ла ижади коллектив Башҡортостанға гастролдәрҙе түҙемһеҙләнеп көтөп алған.