Бергәләп йөҙөргә «морж»дар ғәҙәттә шәмбе һәм йәкшәмбе көндәрендә сәғәт ун икелә йыйыла. Боҙло һыуға төшөр алдынан улар тәүҙә күнекмә эшләй. «Аҡ шәшке» клубына йөрөүселәрҙең иң кесеһенә бер йәш тә юҡ, иң оло «морж»ға 78 йәш. Өлкәндәр әйтеүенсә, улар тап ҡышҡы йөҙөү ярҙамында һаулығын нығытҡан. Организм үҙен үҙе дауалай башлай, тип билдәләй, һыуыҡ һыу менән сыныҡҡандар
Клуб ағзалары һыуҙан сыҡҡас бергә сәй эсә. Команда ил буйынса уҙғарылған ярыштарҙа ла ҡатнаша. Клубҡа теләгән һәр кем ҡушыла ла. Йөҙөү түләүле. Кейем алыштырыу, бергә йыйылып ултырыу, йылыныу өсөн уңайлыҡтар булдырылған.