Өфөлә диабет менән сирле балалар һәм уларҙың ата-әсәләре өсөн аш-һыу әҙерләү буйынса оҫталыҡ дәресе үтте. Белгестәр һаулыҡҡа зыянһыҙ яңы йыл өҫтәле әҙерләү серҙәре менән уртаҡлашты. Дәрес Президент гранттары фонды ярҙамында тормошҡа ашырылған «Диабет мәктәбе: үҙләштереүҙең яңы сиктәре» проекты буйынса ойошторолдо. 1-се типтағы диабет менән сирләүселәр ҡанда шәкәр кимәлен нормала тотоусы инсулин дозаһын билдәләү өсөн ашаған аҙыҡта углевод кимәлен яҡшы белергә тейеш. Оҫталыҡ дәресен табип-экндокринолог, диетолог һөм 39-сы гимназия ашнаҡсылары үткәрҙе.
Оҫталыҡ дәресен уҙғарырға «Диамапы» диабет менән сирле балалар һәм өлкәндәргә ярҙам ойошмаһы тәҡдим иткән. Кулинар дәрестәр Өфөнөң 7 мәктәбендә, йәғни баш ҡаланың һәр районындағы берәр белем усағында уҙғарыла.