Ҡолағын эт тешләп өҙгән пациент Белорет ҡалаһындағы травмпунктта беренсе медицина ярҙамы алғандан һуң баш ҡалалағы шәхси клиникаға мөрәжәғәт итә. Клиника директоры Артур Гасаев бер нисә этапта яһала торған операцияны бер юлы эшләп пациенттың ҡолағының эстетик матурлығын да ҡайтара. Пациент әле реабилитация үтә.
Иҫегеҙгә төшөрәбеҙ, ошо уҡ клиникала күптән түгел аттан йығылып төшөп ҡолағы өҙөлгән Миәкә районы егетенә 16 сәғәттән һуң операция яһап ҡолағын урынына кире теккәйнеләр. Ғәҙәттә ике-дүрт сәғәттән һуң был хәл мөмкин түгел. Клиникала үҙ эшен яҡшы белгән, тәжрибәле хирургтар эшләй.