Ике аҙналыҡ ялдан һуң йәнә алғы һыҙыҡҡа. Өфөлә бер төркөм яугирҙарҙы махсус хәрби операция биләмәһенә оҙатыу тантанаһы үтте. Майҙанда Рәсәй һәм Башҡортостан гимндары яңғыраны. Хәрби комиссариаттың хәрби-патриотик эш буйынса бүлексә етәксеһе Альберт Ғилманов үҙ сығышында Ватан һағына баҫҡан яҡташтарыбыҙҙың ҡаһарманлыҡ өлгөһө булыуын билдәләп, уларға уңышлы хеҙмәт теләне. Хәрбиҙәр ярты йылға бер отпускыға ҡайта, оло юлға сығыусылар транспорт менән дә тәьмин ителә.