Өфөлә махсус хәрби операция яугиры Марсель Яманһаринды иҫкә алдылар

Хәтер кисәһен “Юлдаш” радиоһы журналист-ирекмәндәре ойошторҙо. Сара баш ҡалала “Берҙәм Рәсәй” партияһының йәмәғәт шатбында үтте. Марсель Яманһарин Мәләүез ҡалаһында тыуа. 2008-2009 йылдарҙа армияла хеҙмәт итә. 2013 йылда Рәсәй Оборона министрлығы менән килешеү төҙөй. Контракт буйынса хәрби хеҙмәткә һайлап алыу пунктында эшләй. 2022 йылдың авгусында доброволец булараҡ махсус хәрби операцияға китә. Миңлеғәли Шайморатов исемендәге батальонға алына. Сержант Яманһарин Херсон өлкәһе Яңы Каховка ҡалаһы өсөн барған яуҙа батырҙарса һәләк була. Подполковник Азат Садыҡов:

Хәтер кисәһендә Марсель Яманһариндың туғандары, дуҫтары, коллегалары ҡатнашты. “Марсель ил именлеге өсөн ғүмерен бирҙе. Ул беҙҙең өсөн ысын герой”, - ти яугирҙың әсәһе Венера Ғәбделхәй ҡыҙы, апайҙары Флёра һәм Флорида Шәриповалар.