Үҫеш юлында. Өфөлә ҡаргиҙәр һәм квадрациклдар етештереүсе предприятие производство ҡеүәтен арттырып техниканы төрлө илдәргә һатыуға сығара башлаған.
«Алға» иҡтисади зонаһына ингән «Өфө» индустриаль паркында транспорт саралары Башҡортостан үҫеш корпорацияһы ярҙамында етештерелә. 6 йыл элек пилот проект буйынса ойошторолған «РБ Моторс» компания ҡаргиҙәрҙәре һәм квадрациклдары менән ҡотҡарыусылар, хәрбиҙәр, фермерҙар һәм туристар файҙалана. Ҡеүәтле һәм сифатлы техника Рәсәй буйынса ғына түгел, сит илдәргә һатыуға оҙатыла.