«Пилотһыҙ системалар» федераль проекты сиктәрендә Өфөнөң Советтар Союзы геройы Наталья Ковшова исемендәге 155-cе лицейы уҡыусылары дрондар менән идара итергә өйрәнә. Махсус йыһазландырылған кабинетта пилотһыҙ осоу аппараттарын йыйырға, программалау серҙәренә өйрәтәләр. Өҫтәмә дәрестәр инженер кластар өсөн ҡаралған. Әлегә күнекмәләр спорт залында үтә, педагогтар ҙур осоу зонаһы ойоштороу ниәте менән яна.