Райондан оҙатылған гуманитар ылау махсус хәрби операция биләмәһенә барып еткән. Хакимиәттән ошо турала белдерәләр. Ирекмәндәр республика яугирҙарына бер нисә еңел автомобиль, тағылмалы мунса, маскировка селтәрҙәре, төҙөлөш материалдары, генераторҙар тапшырған. Шулай уҡ медицина препараттары, йылы кейем, аҙыҡ-түлек килтергән. Һалдаттар яҡташтарына рәхмәт белдергән.