Өфө районындағы «Пин һәм Пуф» ойошмаһы машина аҫтына эләгеп йәрәхәтләнгән ҡоралай менән Ҡыҙыл китапҡа индерелгән диңгеҙ бөркөтөн ҡотҡарған. Ҡырағай хайуандарҙы реабилитациялау үҙәгендә әле ошо һәм башҡа йәнлек-ҡоштарға төрлө яҡтан ярҙам күрһәтелә. 7 йыл элек барлыҡҡа килгән ойошмаға хайуандарға ярҙам кәрәклеген һорап көн дә тиҫтәләгән шылтыратыу ҡабул ителә. «Пин һәм Пуф» үҙәгенә башлыса, Өфө, Иглин, Шишмә һәм Благовещен райондарынан мөрәжәғәт итәләр.