Төбәктәге иң ҙур ГЭС һыуһаҡлағысы ташҡын ваҡытында йылғаларҙан күтәрелгән ҙур һыуҙы йыйып энергия етештерә. Гидроэлектр станцияһы ярҙамында байтаҡ ауылдарҙы Ағиҙел йылғаһынан килгән ташҡындан һаҡларға мөмкин. Эшселәр агрегаттар менән идара итеү системаһын сәғәт һайын тикшерә.
Гидроэлектростанция ташҡын осоронда күтәрелгән һыуҙы тынысландырырға булышлыҡ итһә, йәйге ҡоро көндәрҙә йылғаларҙы ҡоролоҡтан һаҡлап һыу кимәлен көйләй. Станция ҡарамағындағы йылғала ғәҙәттән тыш хәл булдырмаҫ өсөн, уҙған йылдар тәжрибәһе һәм синоптиктар фаразы иҫәпкә алына. Иҫкәртеү саралары һәм махсус күнекмәләр төбәк-ара комиссия тарафынан күҙәтелә. Павловка гидроэлектростанцияһы ташҡын осоронда 800 млн кубометр һыуҙы ҡабул итеп уны энергияга эшкәртә. Апрель-май айҙарында һыуһаҡлағыс эшмәкәрлеге даими күҙәтеү аҫтында.