Оҫталар һәм һәләтлеләр. Баймаҡ районының йәш техниктары үҙҙәре уйлап сығарған әйберҙәрен яҡланы. Йыл һайын ойошторолған конкурс 7 йәштән 17 йәшкә тиклемге техник-уйлап сығарыусыларҙы йыйҙы.
Конкурс техник моделләү, робототехника, компьютер графикаһы һәм биҙәү-ҡулланма ижады йүнәлештәрен үҙ эсенә алды. Һәр ҡатнашыусы үҙе уйлап сығарған моделен, роботтарын, цифрлы проекттарын һәм сәнғәт эштәрен күрһәтте.
«Йәш техниктар һәм уйлап табыусылар» конкурсы киләсәк талантлы һәм тырыш, отҡор йәштәр ҡулында булыуын иҫбатланы. Конкурсанттар ижади ҡараш, тос фекерләүҙе һәм заманса технологияларҙы күрһәтте.
Конкурс балаларҙың һәләттәрен асырға ярҙам итә һәм уларҙы фән-технологиялар өлкәһендә артабанғы үҫешкә илһамландыра. Йәш техниктар станцияһы тәрбиәләнеүселәре республика, Рәсәй кимәлдәге төрлө ярыштарҙа ла лайыҡлы сығыш яһайҙар, призлы урындар алалар. Үҙҙәренең киләсәген ошо өлкә менән бәйләгәндәр ҙә бар.