Мәжит Ғафури исемендәге Башҡорт академия драма театрының Бәләкәй залында «Кеше булып ҡалырға» спектакленең ябыҡ премьераһы уҙҙы. Сәхнә әҫәре махсус хәрби операцияға бағышланған. Елена Коллегова әҫәре буйынса ҡуйылған спектаклде БЮТ хәбәрсеһе Рәмилә Исмәғилева ҡараны.
Сәхнә әҫәре махсус хәрби операцияла ҡатнашҡан Луганск актёры тураһында. Илһөйәрлек тәрбиәләүсе спектакль сәхнәләштереү бурысы ҡуйылғас та, режиссер Елена Коллегова пьесаһын һайлай. Бер нисә театр сәхнәләштергән әҫәргә башҡорт яугиры тураһында фрагмент индерелә.
Сюжет үҙәгендә Бөйөк Ватан һуғышы тураһындағы фильм кастингы һәм төп ролде башҡарырға килгән махсус хәрби операцияла ҡатнашып ҡайтҡан яугир. Төп герой протатибы Луганск халыҡ республика драма театры актеры. Беҙҙең актерҙар уның менән премьера алдынан ғына танышҡан.
Спектакль башҡорт һәм рус телендә ҡуйыла. Актерҙар әйтеүенсә, әҫәр ниндәй телдә яҙылған, шул телдә уйнау һәм йөкмәткеһен еткереү еңелерәк.
Спектаклде быға тиклем Бөрйән һәм Учалы тамашасыһы күргән дә инде. Мәжит Ғафури исемендәге Башҡорт академия драма театрының бәләкәй залында
9 апрелдә башҡорт телендә була. 5 майҙа премьера ҙур сәхнәлә көтөлә.
Спектакль махсус хәрби операция менән бәйле күп ғаиләләрҙәге, ғөмүмән илдәге ваҡиғаларҙы сағылдыра. Йәшәү мәғәнәһе, һынауҙар килгәндә лә кеше булып ҡалыу тураһында уйландыра.
Рәмилә Исмәғилева