Яҙ иртә килеүгә бәйле урмандарҙа бәшмәк миҙгеле лә ғәҙәтәгенән алдараҡ башланды. Интернет ҡулланыусылары йыйған бәшмәктәрҙең фотоларын социаль селтәрҙәргә ҡуя. Әммә аномаль йылы һәм дымлы тупраҡ-ашарға яраҡлы ғына түгел, ә хәүефле ялған бәшмәктәр өсөн дә идеаль мөхит икәнен дә оноторға ярамай. Биолог Светлана Күчерова бәшмәк тураһында китаптар авторы. Ул аҡһымға бай урман ризығын кәрзингә тикшереп, ашарға яраҡлыларын ғына һалырға кәңәш итә.
Бәшмәк менән бер рәттән әле тәбиғәттә талпан ҡаҙалыуы, һалҡын ел иҫкән болотло көндә аҙашыу ихтмаллығы ла көслө. Тап шуға күрә Рәсәй ғәҙәттән тыш хәлдәр министрлығының Башҡортостан буйынса хеҙмәткәрҙәре бәшмәк йыйыу юғалған кешеләрҙе эҙләү менән тамамланмаһын ине тип иҫкәртә.