Башҡортостан менән Тажикистан араһында туризм ағымын көйләү маҡсатында сит илдең 9 туристик операторы менән хеҙмәттәшлек итеүгә килешеү төҙөлгән. Был турала бөгөн Башҡортостандың эшҡыуарлыҡ һәм туризм министры ҡатнашлығында үткән матбуғат конференцияһында әйтелде. Светлана Верещагина Халыҡ-ара бәйләнештәрҙе нығытыу буйынса тормошҡа ашырылған эш сәфәре һөҙөмтәләре менән уртаҡлашты. Мәғлүмәти-танышыу турында Башҡортостандан йәмғеһе дүрт оператор ҡатнашҡан. Улар туризмды үҫтереү перспективалары, яңы маршруттар, мәҙәни алмашыу, сәфәр һөҙөмтәләре нигеҙендә төбәктәр араһында хеҙмәттәшлекте нығытыу тураһында фекер алышты. Әйткәндәй, ай башында ғына Өфөнән Дүшәмбе ҡалаһына тиклем тура авиабәйләнеш булдырылды.