Башҡорт дәүләт академия опера һәм балет театры солисы VIII Халыҡ-ара музыка премияһының «Иң яҡшы классик ҡатын-ҡыҙ вокалы» номинацияһында еңеү яуланы. Абруйлы награда Башҡортостандың халыҡ артисы Диләрә Иҙрисоваға Мәскәү ҡалаһының тарихи Ҙур театры сәхнәһендә тапшырылды. Халыҡ-ара профессиональ премия бөтә донъянан опера, балет һәм академик музыка артистарын берләштерә.