Быйыл ислам донъяһы менән хеҙмәттәшлек өсөн дөйөм ҡиммәттәр темаһы һайланды. Башҡортостан Башлығы хакимиәте етәксеһе урынбаҫары Дамир Абдрахманов Республика Башлығы исеменән сәләмләү һүҙҙәрен еткерҙе. - Рәсәйҙе быуаттар буйына төрлө мәҙәниәт һәм диндәр берләштерә. Республикала милләт-ара һәм дин-ара татыулыҡ йолалары һаҡлана. Рәсәй һәм Башҡортостандың көсө - рухи ҡиммәттәрҙе һаҡлауҙа, төрлө милләт һәм дин вәкилдәренең татыулығында, - тиелә Республика Башлығы сәләмләүендә. "Рәсәй - ислам донъяһы" халыҡ-ара иҡтисади форумы 17 майға тиклем дауам итә.