18 майҙан Кушнаренко районында «Сәләмәт республика-сәләмәт төбәк» акцияһы сиктәрендә «Сәләмәтлек поезы» эшләй башланы. Акция алыҫ ауылдарҙа йәшәүселәргә үҙ һаулығын тикшерергә һәм республиканың алдынғы медицина учреждениелары белгестәренән консультация алырға мөмкинлек бирә. Күсмә комплекс тәүге көндә Ҡарасайылға ауылында туҡтаны.
Табиптар килеүен бында айырыуса оло йәштәгеләр көткән. Ауыл халҡы белгестәргә төрлө һорауҙар менән мөрәжәғәт итә: ҡан баҫымы, күреү һәләте насарайыуы, быуындар ауыртыуы. Мобиль комплекста анализдар тапшырырға ла, флюорография, маммография үтергә лә була.
Халыҡты тирә яҡ ауылдарҙан алып килергә транспорт бүленгән. Тикшереүҙәр бушлай, ҡабул итеүгә алдан яҙылырға түгел, әммә паспорт кәрәк. Сәләмәтлек поезы Кушнаренко районында 5 июнгә тиклем эшләй.