Предприятие һуңғы биш йылда үҫешә бара. Ошо ваҡыт эсендә 161 миллиард һумлыҡ продукция сығарылған. 16 миллиард һумдан ашыу һалым түләнгән. Радий Хәбиров Нефтекама ҡалаһының социаль-иҡтисади үҫешенә арналған кәңәшмәлә шулай тине. Республика Башлығы "Нефаз" етәкселегенә кадрҙар әҙерләүгә иғтибар биргәне өсөн рәхмәт белдерҙе. -Башҡортостан"Профессионалитет" федераль проектында әүҙем ҡатнаша. 19 мәғариф кластеры булдырылған. Быйыл тағы 8 кластер асыла. Иң мөһимдәренең береһе - Нефтекамалағы машиналар төҙөү кластеры, - тине Радий Хәбиров.