Сарала дәүләт һәм муниципаль һатып алыуҙарҙың иҡтисад үҫешендә, социаль йөкләмәләрҙе үтәүҙә һәм производство конкурентлығын арттырыуҙа стратегик ҡорал булыуы билдәләнде.
Былтырғы һөҙөмтәләр буйынса, республика «РОСТ» ассоциацияһының тармаҡ системаһын һанлаштырыу рейтингында алдынғы өс төбәк исемлегенә инде. Башҡортостандың конкурент сәйәсәте буйынса дәүләт комитеты етәкселеге билдәләүенсә, һуңғы биш йылда контракт система күләмле үҙгәрештәр үткән, заманса технологиялар ярҙамында барлыҡ процестар ҙа асыҡ үтә. Бизнесҡа һатып алыуҙарҙа ҡатнашыу өсөн тигеҙ мөмкинлектәр булдырылған.
Конференция федераль орган вәкилдәрен, заказ биреүселәрҙе, тәьмин итеүселәрҙе һәм һатып алыуҙарҙар өлкәһендә эксперттарҙы-барлығы 800-ән ашыу кешене берләштерҙе. Сарала тармаҡтағы мөһим үҙгәрештәр, контракт системаһы тураһында ҡануниәттең хоҡуҡ ҡулланыу практикаһына бәйле көнүҙәк мәсьәләләр ҡаралды.