«Хәйбүш түрә, урынбаҫар Мәстүрә!» Илшат Йомағолов исемендәге Башҡорт драма театры 35-се ижад миҙгелен ошо спектакль менән япты. Нәжиб Асанбаев пьесаһы буйынса ҡуйылған комедия коллектив тормошонда көтөлмәгән боролошҡа бәйле комик тарихты аса, йәғни хаҡлы ялға киткән етәксене хеҙмәттәштәре алдай. Пьесаның финалы геройҙы ысынбарлыҡҡа ҡайтара. Был сатирик тарих әсирлеккә алынған етәкселек хакимлығы аҫтында кеше үҙен юғалтыуҙың ни тиклем еңел булыуын күрһәтә.
Спектакль башланыр алдынан театр майҙаны байрам атмосфераһы менән тулыланды. Артистар ҡатнашлығында концерт үтте, шулай уҡ һөнәрселәр йәрминкәһе эшләне, тамашасылар милли стилдә эшләнгән биҙәүестәр һатып алды.