Ул быйыл бишенсе тапҡыр үтә. Әлшәй районындағы сараны тормошҡа ашырыу мәсьәләләре ойоштороу комитетының күсмә ултырышында тикшерелде. Бының өсөн байрам уҙасаҡ урын һайланды. Был ойоштороусыларға бөтә нескәлектәрҙе ентекләп өйрәнергә һәм төп майҙансыҡтарҙы яраштырырға мөмкинлек бирҙе. «Ер ҡото» фестивале тәрән патриотик һәм мәҙәни әһәмиәткә эйә. Уның төп маҡсаты-Башҡортостанда йәшәгән халыҡтарҙың бай этномәҙәни йолаларын һәм ғөрөф-ғәҙәттәрен данлау һәм популярлаштырыу. Рухи-әхлаҡи ҡиммәттәрҙе нығытыуға, шулай уҡ ветерандарға һәм махсус хәрби операцияла ҡатнашыусыларға, шул иҫәптән уларҙың ғаиләләренә һәр яҡлап ярҙам күрһәтеүгә айырыуса иғтибар бүленәсәк.