Быйыл Башҡортостан уңайлы ҡала мөхитен булдырыуҙың иң яҡшы проекттары конкурсына 12 ғариза ебәргән. Был турала Радий Хәбиров рәйеселегендә уҙған «Йәмәғәт киңлектәре сәғәте»ндә хәбәр ителде. «Тормош өсөн инфраструктура» милли проекты сиктәрендә үткәрелгән Бөтә Рәсәй конкурсында Стәрлетамаҡ, Нефтекама, Күмертау, Мәләүез, Благовещен ҡалалары, шулай уҡ Малаяҙ, Үрге Тәтешле һәм Николо-Берёзовка ауылдарындағы проекттар тәүге тапҡыр ҡатнаша. Бынан алда әҙерләнгән тағы ла дүрт ғариза етди эшкәртелгәндән һуң, ҡабаттан ебәрелгән. Бөтә ғаризалар хупланған осраҡта федераль бюджеттан 1 миллиард һумдан ашыу аҡса бүленер тип көтөлә, шул уҡ ваҡытта төбәктән тағы ла 500 миллион һум ҡаралған. Еңеүселәр августа билдәләнә.