Өфөлә махсус хәрби операция ветерандары һәм уларҙың ғаиләләре менән эшләүсе белгестәр өсөн семинар старт алды. Унда социаль хеҙмәттәр, ҡала-район хакимиәттәре, «Ватанды һаҡлаусылар» фонды һәм ирекмәндәр хәрәкәттәре вәкилдәре ҡатнаша. Программала-социаль адаптация, реабилитация һәм психологик ярҙам буйынса лекциялар, оҫталыҡ дәрестәре һәм эшлекле уйындар ҡаралған. Шулай уҡ ведомство-ара эшмәкәрлеккә һәм эмоциональ яныуҙы иҫкәртеүгә айырыуса иғтибар бүленә. Белгестәр өсөн был семинар ветерандарға һәм уларҙың ғаиләләренә адреслы ярҙам күрһәтеү буйынса яңы практик инструмент һанала. Быға тиклем бындай саралар Түбәнге Новгород, Ульяновск һәм Һамар өлкәләрендә үткән.