Һаулыҡ һаҡлау министрлығынан белдереүенсә, күсмә комплекс табиптары быйыл 97 мең ярым кешене ҡабул иткән. Пациенттарҙа 5 меңдән ашыу сир асыҡланған, 114 кешелә яман шеш шиге табылған. Сирлеләргә республика медицина учреждениеларына йүнәлтмә бирелгән. Был аҙнала күсмә бригада Шишмә, Илеш, Ишембай, Мәсетле, Баҡалы, Бөрйән райондарында эшләй. Табиптарға алдан яҙылырға кәрәкмәй.