Был хаҡта Рәсәй финанс министрлығы хәбәр итте. Әлегә тиклем белгестәр ғаиләләге балалар һанына ҡарап ставкаларҙы төрлөсә ҡуйыу идеяһын тикшергәйне. Әммә әлегә барыһы ла элекке кеүек ҡала. Ведомстволар Ил президенты ҡушыуы буйынса программаны камиллаштырыуҙы дауам итә. Талап 1 октябргә тиклем үҙгәртелмәйәсәк. Шуға күрә ипотека алырға ниәтләгән ғаиләләргә торлаҡ мәсьәләһен көҙгә тиклем хәл итеү отошло.
Мәғлүм булыуынса, илдең ҙур ҡалаларында, шул иҫәптән Өфөлә икенсел торлаҡҡа ғаилә ипотекаһы эшләмәй. Республиканың 14 ҡалаһында ташлама ҡаралған. Был исемлеккә Баймаҡ, Белорет, Бөрө, Благовещен, Дәүләкән, Ишембай, Мәләүез, Туймазы, Яңауыл, Ағиҙел, Күмертау, Салауат һәм Сибай инә. Шартта буйынса, ставка-йылына 6 процент, тәүге иғәнә-20 проценттан башлана. Әсәлек капиталын ҡулланырға мөмкин. Мөһим сикләү йорттоң йәше 20-нән артмаҫҡа тейеш.