Шулай уҡ хәрбиҙәрҙең ғаиләләренән 1 мең 100-ҙән ашыу кеше һаулығын тикшерткән. Табиптар акция башланғандан алып, 108 меңгә яҡын пациентты ҡабул иткән. Яман шештең 127 осрағы, шәкәр диабеты, йөрәк-ҡан тамырҙары ауырыуҙары асыҡланған. Сирлеләргә республика медицина учреждениеларына йүнәлтмә бирелгән. Был аҙнала күсмә бригада Баймаҡ, Мәсетле, Балаҡатай, Борай, Бәләбәй, Мәләүез һәм Иглин райондарында эшләй. Табиптарға алдан яҙылырға кәрәкмәй.