Президент Владимир Путин ошо туралағы Указға ҡул ҡуйҙы. Байрам йыл һайын 22 декабрҙә билдәләнәсәк. Документҡа ярашлы, дата хоккейҙы киңерәк танытыу маҡсатында билдәләнгән. Башҡортостанда ул популяр спорт төрө һанала. “Салауат Юлаев” - Гагарин Кубогын яулаған, илдә иң көслө командаларҙың береһе. “Ағиҙел” ҡатын-ҡыҙҙар командаһы ете тапҡыр чемпионатта еңеү яуланы, алты тапҡыр ЖХЛ кубогына лайыҡ булды. “Толпар” менән һәм “Торос” клубтары ла ил беренселектәрендә лайыҡлы сығыш яһай.