Октябрь проспекты янындағы биләмәгә халыҡ шағиры Рәми Ғариповтың шиғыры исемен биреү тәҡдим ителә. Ҡала хакимиәтенән хәбәр итеүҙәренсә, эргәлә Рәми Ғарипов йәшәгән йорт урынлашҡан. Шулай уҡ уның исемен йөрөткән гимназия-интернат бар. Шағир үҙе лә тәбиғәткә һаҡсыл мөнәсәбәттә булған, йорт тирәләй ағастар ултыртҡан. "Ҡояшлы ямғыр" исеме буйынса халыҡ фекере 31 июлгә тиклем өйрәнелә.