Республикала яғыулыҡҡа бәйле хәл еңелдән түгел, әммә контролдә ҡала. 95-се бензин буйынса мәсьәлә хәл ителгән тиерлек, уны етештереү арта. Әлегә заправкаларҙа лимиттар һаҡлана. Бөгөн төш ваҡытына баш ҡала заправкаларында 670 тирәһе машина булған. Был һуңғы көндәр өсөн уртаса күрһәткес. Стәрлетамаҡта бензинға һорау юғары ҡала, ә бензовоздар ҡалаға барып етмәгән әле. Хәл оперштаб контролендә.