Автоһәүәҫкәрҙәр өсөн хәүефһеҙ һәм уңайлы. Уҙған йыл һөҙөмтәләре буйынса Башҡортостандың автомобиль юлдары сифат рейтингында позицияларын яҡшыртып, Рәсәй субъекттары араһында 16-сы урындан 14-cегә күтәрелде. Транспорт һәм юл хужалығы министрлығы мәғлүмәттәренә ярашлы, бөгөн төбәк, муниципаль-ара һәм урындағы тәғәйенләнештәге юлдарҙың яҡынса 70 проценты норматив талаптарға тура килә. Йыл һайын республикала юл инфраструктураһын ремонтлау, төҙөү һәм яңыртыу буйынса күләмле эштәр башҡарыла.