Өфөлә Һалым хеҙмәте вәкилдәре дәүләт автоинспекторҙары һәм суд приставтары менән берлектә рейд уҙғарып, бурыслыларҙы асыҡланы. Бындай профилактик саралар даими уҙғарыла. Махсус аппарат-программа комплексы автомобилдәрҙең дәүләт номерҙарын уҡый һәм шунда уҡ водителдең бурысы булыу-булмауын асыҡлай. Инспекторҙарға кәрәкле автомобилде туҡтатырға ғына ҡала. Законға ярашлы, суд приставтары бурыслының мөлкәтенә арест һалырға хоҡуҡлы. Рейдта һалым буйынса бурыслыларға иҫкәртеү яһалды.
Пассажир ташыу өлкәһендә лә яуаплы хеҙмәттәр тарафынан контроль алып барыла. Еңел такси һәм йәмәғәт транспорты туҡтатылды.