Республика балалар клиник дауаханаһы хирургтары мейеһендә ҙур шеш булған ике йәшлек малайҙың ғүмерен ҡотҡарҙы. Ике йәшлек Динарҙың сәләмтлегендә тайпылышты әсәһе быйыл йәй күреп ҡала: сабый ҡоҫа, координацияһын юғалта башлай. Дауаханала уның мейеһендә шеш барлығы асыҡлана. Хирургтар уны ашығыс рәүештә алып ташларға юйырға ҡарар итә. Табиптар микроскоп һәм микрохирургия ҡорамалдары ярҙамында операция үткәрә. Республика балалар клиник дауаханаһында йылына 40-ҡа яҡын ошондай операция яһала. Әммә был осраҡ айырыуса ҡатмарлы булып сыға,сөнки яман шеш мейенең мөһим функциялар өсөн яуаплы нервыларына яҡын урынлашҡан. Иң бәләкәй генә хаталы хәрәкәт тә төҙәлмәҫлек эҙемтәләргә килтереүе ихтимал, ти аҡ халатлылар.
Бала хәҙер үҙен көндән-көн яҡшыраҡ тоя, ти яҡындары. Нейрохирургиянан химиотерапия өсөн уны онкология бүлегенә күсерәсәктәр.