Барыһы ла асыҡ булырға тейеш, ҡануниәт үтәлешенә етди иғтибар йүнәлтелә. Сәйәси кампания алдынан Өфөлә Башҡортостан Йәмәғәт палатаһы төбәктең йәмәғәт ойошмалары менән күп яҡлы хеҙмәттәшлек тураһында килешеү төҙөнө. Документҡа ярашлы, яҡтар күҙәтеү процессында ҡатнашасаҡ граждандарҙың хоҡуҡтарын тормошҡа ашырыуҙа ярҙам итәсәк. Тауыш биреү мониторингы мәсьәләләре буйынса консультациялар, күҙәтеү процессы стандарттары һәм методикаларына бәйле фекер алышыуҙар уҙғарыу ҡаралған. Күҙәтеүсегә кандидат 18 йәштән өлкәнерәк хоҡуҡҡа һәләтле Рәсәй гражданы булырға тейеш.