Республика Хөкүмәтендә Рәсәй художество академияһы вәкилдәре ҡатнашлығында Салауат Юлаев һәйкәлен реставрациялау буйынса кәңәшмә үтте. Учреждение президенты Василий Церетели билдәләүенсә, реставрация эштәре планға ярашлы ойошторолған: әле мәҙәни мираҫ объекттарын һаҡлау тураһындағы ҡануниәткә ярашлы процедуралар уҙғарыла. Кәңәшмәлә һәйкәл ҡойоу ҡасан башланыуы тураһында ла иғлан ителде. Скульптура төбәк етәксеһе билдәләгән ваҡытҡа-2027 йылдың октябренә үҙ урынына ҡайтасаҡ.