Йола буйынса, эшләгән студенттар үҙҙәренең бер смена эш хаҡын социаль һәм хәйриә проекттарға күсерә. Аҡса йыйыуҙың төп маҡсаты-республикала йәштәр өсөн тәүге мультиформатлы киңлек булдырыу, хәҙер унда студенттар үҙ көсө менән ремонт эшләй. Үҙәк үҫеп килеүсе быуынға берҙәм йорт буласаҡ: унда үҫмерҙәр һәм студенттар һөнәри йүнәлеш ала, тәүге эш урындарын таба һәм үҙ башланғыстарын тормошҡа ашыра аласаҡ. Башҡортостан активистары бындай мөхитте булдырыу тәжрибәһен Мәскәүҙәге коллегаларынан алған. Бынан тыш, үҙәк базаһында студент отрядтары ауыр тормош шарттарында ҡалған балалар өсөн «Мәктәпкә әҙерләнергә ярҙам ит» һәм «Дөйөм ятаҡҡа сумаҙан» хәйриә акцияларын үткәрә.