Президент мәҙәни башланғыстар фонды ярҙамында тормошҡа ашырылған проектҡа ярашлы, күргәҙмәлә боронғо технологиялар буйынса ҡулдан баҫылған кейеҙ балаҫтар менән танышып булды. Һәр өлгөлә тере тарих, уны оҫталар быуындан-быуынға һаҡсыл тапшыра килә. Сара сиктәрендә боронғо кәсеп буйынса оҫталыҡ дәрестәре лә үтте. Урал ауылы халҡының дөйөм тырышлығы менән эшләнгән уникаль кейеҙ балаҫ иһә рәсми рәүештә Башҡортостандың Милли музейына тапшырылды.