Улар лабораторияларҙы ҡараны, фәнни асыштар менән танышты. Республика фән һәм юғары белем буйынса дәүләт комитеты рәйесе Светлана Мостафина белдереүенсә, заманса йыһазландырылған лабораторияларҙы күргәндән һуң балаларҙың киләсәккә ҡарашы үҙгәрә. Күптәрҙең беҙҙең вуздарға уҡырға инеү теләге бар. Рәсәйҙә Владимир Путин ҡушыуы буйынса заманса кампустар селтәре булдырыла. Башҡортостан ошо проект һыналған төбәктәрҙең береһе. Өфөлә кампустың тәүге өлөшө 2024 йылда файҙаланыуға тапшырылды.