«Һыуҙа ҡотҡарыусылар» ойошмаһының Башҡортостан төбәк бүлексәһе ағзалары Асылыкүлдә дауыл ваҡытында кәмә менән һыуға түңкәрелә яҙған өс кешене ҡотҡарған. Бәхеткә, был мәлдә ҡотҡарыусылар күл тирәләй патрулдә йөрөгән була.
Көслө елдән кәмәләре тишелгән һәм ишкәктәре һынған йәштәрҙең икәүһе йөҙә лә белмәгән. Уларҙың ҡотҡарыусыларға рәхмәте сикһеҙ. Дөйөм алғанда, ай дауамында ойошма ағзалары һыуҙа 13 кешенең, шул иҫәптән 4 баланың ғүмерен ҡотҡарған.
