Баймаҡ районында яҙҙан бирле ямғыр яуғаны юҡ. Иген башаҡтары кибә башлаған. Болондарҙа үлән ҡалмаған тиерлек. Район хакимиәте башлығы урынбаҫары Азат Шәрипов һөйләй.
Баймаҡ, Хәйбулла, Йылайыр һәм Көйөргәҙе райондарында ҡоролоҡҡа бәйле ғәҙәттән тыш хәл индерелеүе ихтимал. Был турала Башҡортостан хөкүмәте премьер-министры - ауыл хужалығы министры вазифаһын башҡарыусы Илшат Фәзрахманов белдерҙе.
