Бүздәк-Саҡмағош-Дүртөйлө трассаһында ҡапма-ҡаршы килгән "Хендай" һәм 14-се модель "Жигули" машиналары бәрелешкән. Сит ил автомобилендә ултырған 25 йәшлек пассажир ҡыҙ һәләк булған. Жигули водителе һәм уның өс пассажиры дауаханаға оҙатылған. Инспекторҙар хәбәр итеүҙәренсә, бөгөн дауаханала 35 йәшлек ҡатындың ғүмере өҙөлгән.
Уҙған тәүлектә республика юлдарында 10 авария теркәлгән, 3 кеше үлгән, имгәнеүселәр бар.
