Башҡа йылдарҙан айырмалы күңелһеҙ статистиканың күтәрелеүе күҙәтелә. Был хаҡта бөгөн Башҡортостандың Ғәҙәттән тыш хәлдәр буйынса дәүләт комитетының коллегия ултырышында билдәләнде. Кәңәшмәлә әйтелеүенсә, күпселек осраҡтар кеше факторына бәйле. Тәү сиратта эскелеккә барып тоташа.
Коллегия ултырышында янғын хәүефһеҙлегенә ҡаршы эшләнгән саралар ҙа барланды. Быйыл республикала ике янғын һүндереү часы сафҡа ингән. Яҡын арала тағы ла өсәүһе файҙаланыуға тапшырыласаҡ.
Йорттарҙы янғын иҫкәртеүсе ҡоролмалар менән йыһазландырыу ҙа үҙ һөҙөмтәһен биргән. 283 кешенең ғүмере һаҡланып ҡалған. Уларҙың яртыһы балалар. Шуға ла эш тик бының менән сикләнмәйәсәк, ти билдәләнде ултырышта. Республикала ҡотҡарыу отрядтары һанын арттырыу ҙа быйыл уңышлы булған. Һыу инеү миҙгелендә 3 меңдән ашыу кешенең ғүмере ҡотҡарылған.
