Волга буйы федераль округы субъекттары етәкселәре араһында беренсе урынды биләй "Медиалогия" агентлығы төҙөгән мәғлүмәттәргә ярашлы, октябрҙә Радий Хәбировтың исеме киң мәғлүмәт сараларында 11,9 мең тапҡыр телгә алынған.
Федераль рейтингта Башҡортостан Башлығынан Санкт-Петербург губернаторы Александр Беглов менән Мәскәү мэры Сергей Собянин ғына алда бара. Волга буйы федераль округында октябрь айы лидерҙары исемлеген Башҡортостан Башлығы Радий Хәбиров, Түбәнге Новгород өлкәһе губернаторы Глеб Никитин һәм Татарстан Президенты Рөстәм Миңлеханов етәкләй.
Ай дауамында мәғлүмәт саралары иғтибарын йәлеп иткән ваҡиғалар араһында Радий Хәбировтың яңы Хөкүмәт составын иғлан итеүе, Башҡортостан халҡын Республика көнө менән ҡотлауы, "Полиэф" заводындағы ғәҙәттән тыш хәл буйынса күрелгән саралар һәм яңы йыл каникулында спиртлы эсемлектәрҙе сикләү тәҡдиме атала.
