Трассала еңел автомобиль һәм йөк машинаһы бәрелешкән. ВАЗ машинаһында ултырған ике пассажир ауыр тән йәрәхәттәре менән дауаханаға оҙатылған. Улар реанимация бүлегендә, тип хәбәр итә автоинспекторҙар.
Уҙған тәүлектә Башҡортостанда 7 авария булған, 8 кеше имгәнгән. Ҡатмарлы һауа шарттарына бәйле, юл полицияһы водителдәрҙе лә, йәйәүлеләрҙе лә иғтибарлы булырға, ҡағиҙәләрҙе теүәл үтәргә саҡыра.
