Уҙған аҙнала Иглин ауылында ағалы-ҡустылы Виктор һәм Владимир Анисимовтар янғындан оло йәштәге ҡатын менән баланы сығара. Янғын киске сәғәт етеләрҙә теркәлә.
Билдәле булыуынса, баракта ут сығыу һөҙөмтәһендә өс ғаилә йәшәү урынһыҙ ҡалған. Бәхеткә, бер кем дә зыян күрмәй. Фараз буйынса, утҡа электр ҡорамалдарын файҙаланғанда хәүефһеҙлек ҡағиҙәләрен теүәл үтәмәү сәбәпсе булыуы ихтимал.
