Көслө буран һәм ҡар яуыуы сәбәпле, Өфө-Ырымбур трассаһында рейс автобустары һәм йөк автомобилдәре хәрәкәте сикләнде. Ул 4 февраль төнгө сәғәт өскә тиклем ғәмәлдә буласаҡ.
Әле автомобиль трассаһында ҡар таҙартыу техникаһы эшләй. Юл хәрәкәте хәүефһеҙлеге дәүләт инспекцияһы водителдәргә юлда хәрәкәт асылғансы Өфө-Ырымбур йүнәлешендә сәфәргә сыҡмаҫҡа кәңәш итә.
Инспекторҙар шулай уҡ автоһәүәҫкәрҙәрҙе лә һауа торошона бәйле оҙон юлды кисектереп торорға, юлда икеләтә иғтибарлы булырға, тиҙлек режимын арттырмаҫҡа һәм дистанцияны һаҡларға саҡыра.
